இந்த தூண்டில்(Phishing) தாக்குதலினால், கடந்த 2007 ம் ஆண்டில் பெரிய அண்ணன் (அமெரிக்கா) க்கு ஏற்பட்ட இழப்பு $ 3 billion க்கு மேலாகும். சற்று மூச்சைப் பிடித்துக் கொள்ளுங்கள் -- இது 12,000 கோடி ரூபாயாகும்.
இது, இந்தியாவை மிக வேகமாக தாக்கக் கூடும். இதற்கு காரணங்கள், நமது பொருளாதார முன்னேற்றமும், பயனீட்டாளர்களிடம் போதுமான விழிப்புணர்வு இல்லாததும் மற்றும் நமது பெரும்பான்மையான மக்கள் தகவல் தொழில்நுட்ப பாதுகாப்பு முக்கியமானது என்று கருதாதும்தான். ஆக்கிரமிப்பாளர்களின்(Hackers) சொர்க்க பூமியாக, இந்தியா மாறாதிருக்க வேண்டும். இது நமது பொருளாதாரத்தை பாதாளத்தில் தள்ளிவிடும். முதலீட்டாளர்களின் நம்பிக்கை சரிய நேரிடும். வந்தபின் நோவதை விட, வரும் முன் காக்க வேண்டும்...
சரி. நாமும், அமெரிக்காவின் நிலைதான் என்ன என்று பார்க்கலாம்.
கார்ட்னர் (Gartner, Inc) என்ற நிறுவனம், அமெரிக்காவில் நடந்த தூண்டில்(Phishing) தாக்குதலினால் ஏற்பட்ட விளைவை பற்றிய ஒரு கணக்கெடுப்பை நடத்தியது. இந்த கணக்கெடுப்பு, 4,500 வயது வந்த (ஆன்லைன்) இணையதள பயனீட்டாளர்களிடம், ஆகஸ்ட் மாதம் 2007 -ல் நடத்தப் பட்டு, விவரம் டிசம்பர் மாதம் 2007ல் வெளியிடப்பட்டது. (கவனிக்க - இது தமிழகத்தில் நடந்த ஒப்புக்கு சப்பாணி கணக்கெடுப்பு போல் அல்ல...) அதன் விவரம் பின்வருமாறு...
1) இந்த தூண்டில்(Phishing) தாக்குதலினால், கடந்த 2007 ம் ஆண்டில் பெரிய அண்ணன் (அமெரிக்கா) க்கு ஏற்பட்ட இழப்பு $ 3 billion-க்கு மேலாகும்
2) 3.6 மில்லியன் (ஆன்லைன்) இணையதள பயனீட்டாளர்கள் தங்கள் பணத்தை, தூண்டில்(Phishing) தாக்குதலினால் இழந்திருகிறார்கள். இது 2006ம் ஆண்டு 2.3 மில்லியனோடு ஒப்பிடும் போது மிக அதிகமாகும்.
3) இந்த முறை தூண்டில்(Phishing) தாக்குதல் இ-மெயிலினால், பாதிக்கப் பட்டவர்கள் 3.3 சதவீதத்தினர். அதாவது, எனது "நான் பலிகடாவா? - தூண்டில்(Phishing) தாக்குதல்" பதிவில் சொல்லியுள்ள இ-மெயில் கிடைத்த 100 பேர்களில், சுமாராக 3 பேர் பலிகடா ஆகியுள்ளனர்.
இதனைப் பற்றி கார்ட்னர் (Gartner, Inc) நிறுவனத்தின் துணைத்தலைவரும், மிகப் புகழ்பெற்ற ஆய்வாளருமான அவைவாஹ் லிடன் (Avivah Litan) தெரிவிக்கும் போது, "தற்போதைக்கு இந்த தூண்டில்(Phishing) தாக்குதல்கள் மிகவும் வலிமையானதாகவும், எளிதில் கண்டுபிடிக்க முடியாத வகையிலும், பெரும்பாலும் கெட்ட மென்பொருள்களை(malware) பயனீட்டாளர்களின் கணிணியில் பதிவிறக்கம் செய்து, அவர்களின் பயனீட்டாளர் பெயர்(User name), கடவுச்சொல்(Password) மற்றும் பிற முக்கியமான தகவல்களை திருடிவிடுகின்றது" என்றார்.
இதைப் பற்றிய முழு விவரங்களுக்கு, கீழே உள்ள தொடர்பியில் சொடுக்குங்கள்.
http://www.businesswire.com/portal/site/google/?ndmViewId=news_view&newsId=20071217005365&newsLang=en
Subscribe to:
Post Comments (Atom)
1 comment:
arumaiyaana pathivu. As a webmedia consultant I love the topic and the contents. This project will get cumulative visitors in an years time! Wait and see! All the best. I have added your feed in my blog roll.
With love
Osai Chella
Post a Comment